УДАА

1. наречи дахин, дараалан (раз): Хүүгэдэй шэнхинэмэ сэсэн хөөрөөе шагнажа, тэдэнэй үдэр соо арба удаа хэрэлдэжэ, арба удаа эблэрхые адаглан шагнан хэбтэхэдэ, үдэрэй ошохо түргэн (Ч. Цыдендамбаев); нэгэ удаа нэгэ дахин (один раз); Доржо үшөө нэгэ удаа доро дохёод, үүдэ аргааханаар нээжэ, коридор соо гараба (Ч. Цыдендамбаев); гансахан удаа нэгэл дахин (один лишь раз, один разочек): Бидэ хоёрой хэмнайшье суурга гэжэ гансашье удаа бү дурдаг (Ч. Цыдендамбаев); нэгэ (тэ) шье удаа хэзээшье (хоть раз; ни разу); Түрэһэн эсэгэеэ нэгэшье удаа хараһайб гэжэ сэдьхэхэш (С. Цырендоржиев); Арсалан Улаан-Үдэдэ гурбан жэлдэ һураха зуураа, нэгэшье удаа гэртээ айлшалжа ерээгүй байһаниинь гайхалтай юм (Х. Намсараев); энэ удаа мүнөө, мүнөө дээрэ (на этот раз, в этот раз): Энэ удаа ганса Алексей бэшэ, ойронь байһан таряашад булта энеэлдэбэ (Ч. Цыдендамбаев); хэдэн (тэ) удаа, хэды удаа нэгэ хэды, хэды дахин, олон бэшэ, ехэнхидээ хоёрһоо юһэн хүрэтэр дахин (несколько раз): Мүнхын хэлэжэ байхада, секретарь ууртай янзаар хэдэн удаа үгыень таһалан асууна (Ц. Дон); Илья Ильич урдань хэдэнтэ удаа хэлэһэнээ дабтан хэлэбэ (Ч. Цыдендамбаев); Дугарай мүшхэбэри хэгты гэжэ хэды удаа хандаашье һаань, эдэнь ямаршье харюугүй үлэнхэй (Б. Шойдоков); олон (то) удаа нэгэ бэшэ, хэдэн дахин (много раз): Нюур шарайнь шаб шара: олон удаа бусалгагдаһан яһанай үнгэтэй (Ч. Цыдендамбаев); Олонто удаа буряадай түлөөлэгшэд Росси зорёо юм (Ч. Цыдендамбаев); удаа дараа (гаар), удаа дараалан, удаа удаагаар хэды дахин, дээрэ дээрэһээнь, хойно хойноһоонь, ээлжээлэн (последовательно): Удаа дараа нэерэн тэһэрһэн абяанай гарахада, дайнай амжалтын салют үгэжэ байһан мэтээр, гэрнүүд дорьбошобо (Д. Батожабай); Хэшэгтэ нагасань удаа удаагаар зургаан аяга сай ууба (Ч. Цыдендамбаев); Манайхин удаа дараалан дайсанай бэхэжүүлгэнүүдые эзэлэн, баруулжаа шамдана (Б. Шойдоков); Хэдэн үдэр удаа удаагаар наратай байжа, хуряалгань һөөл урагшатай ябаба (Ц. Дон); у даа ташаа (гү, али тушаа) тэрэ дороо, дары, һаатангүй (тут же, незамедлительно): Арсалан хүбүүн нохоймни шонодо барюулхань гэжэ удаа ташаа һомошо хутагаяа һуга татан гүйжэ ошоторнь… (Х. Намсараев); Гэнтэ полици, жандармнуудай команда үгэхэ хахир хашхараан үглөөнэй сууряанда элеэр дуулдажа, удаа тушаа буунууд бижаганашаба (Х. Намсараев); 2. дах. ү. хойно, һүүлээр (после): Хүбүүнэйнгээ удаа Степан үгэ дуугарба (Ч. Цыдендамбаев); Сэсэг айраг шэмэсэгээн уужа дүүргэһэнэйнгээ удаа улхан аяга урбуулжа эрьюулжэ байжа, шэнжэлжэ орошобо (Б. Шойдоков); тэрэнэй удаа тэрэнэй һүүлээр (после него или нее, них, после того, затем): Тэрэнэй удаа баһа дахин зүбшэлдэжэ, түр зуура гүбэр-шэбэр дуугаралсабад (Ч. Цыдендамбаев); 3. наречи тиигээд, һүүлээрнь (затем, потом): Удаань Суранзан Жанчипов һуралсалаа Агын багшанарай училищида үргэлжэлүүлжэ, эхин классай багшын мэргэжэлтэйгээр түгэсхэбэ (Д. Базарова).