УДА

, удар, удара шангадх. ү. хүсэ гарган хоёр гү, али олон хуби болгон, һалатар, таһартар, зада, таһа, таһара, угзара (совершенно, совсем, напрочь, в клочья): Хара торгон пулаадаа / Хаха татан хаяба, / Магнал торгон пулаадаа / Уда татан хаяба (Х. Намсараев); Улаанаар хяазатаһан таһархай хүхэ үүлэнүүд уймар һалхинда удар татагдан, урда зүг руу намнуулна (Д.-Д. Дугаров); Дагба дэгэлэйнгээ дотор удара татажа, тэндэхи халааһан сооһоо мүнөөхи Иван Ивановичай үгэһэн зураг гаргажа, Цырмаада һарбайба (Ц. Шагжин); удар (а) таһар (а), удара задара һалатар, зада, угзара (напрочь, в клочья): Бүтүү хара үүлэн сахилгаанда хаха зүһэгдэн, удар таһар буужа, аргагүй түргэнөөр урда зүгые баряад, дүүжэндэн талиина (Ж. Тумунов); Теэд эдэ баяшуулай хүбүүд хубсаһыемни абаха танаггүй болотор удара таһара хургануудаараа хадхаба (Ц. Шагжин); Мүр дээрээ хэдэрхын аргагүй болотороо удара задара татуулһан дэгэлээ баринхай … (М. Осодоев); удар һүрэхэ хахарха, шуураха, хаха һүрэхэ, хаха бууха (рваться): Сошордоһон шэрээтын улаан торгон дэгэлэй энгэр сээжэнь удар һүрөөд, Аламжын һамганай гар соо ябашаһан байба (Д. Батожабай); ○ зада, таһа (р (а)), хаха гэжэ үгэнүүдтэй парн. хэрэгл.