УГЛУУ

юум. н. 1) булан, нугарһан газар, тохой, годирхой (угол): Рефери хоёр гараа дэлгэн, тулалдааень зогсоогоод, Ринчиниие углууда зогсо гэжэ зандараад, Петиин хамарай урда хургаяа ёдогошуулан тооложо оробо (С. Цырендоржиев); углуу булан (гү, али тохой, суглуу) нугарһан газар (углы): Баруун мүртэ гартаа буугаа шагтагалаад, гэрэйнгээ үнөөхи тэрэ һалаабша углуу булангаар өөдөө дамжабаб (С. Доржиев); Мүн хара шляпаһаа байха хахархай фрагшьегүй болошоһон архиншад Лондоной углуу тохойгоор олоороо исалдаг (Д. Батожабай); Зарим хүүргэ дээгүүр гү, али нарин гудамжын углуу суглуугаар гуйраншадай хашхаралдаан толгой дүйрэмэ (Д. Батожабай); углуу шанаа а) ёмбойһон шанаа (острые скулы); б) бүглүү бүтүү газар (закоулок); углуу тойрохо гэрэй булангай саагуур далда орохо (заворачивать за угол): Тиигэжэ ябахадань, тэрэнэй урдахана юуншьеб бүрэлзэн, посхоодой углуу тойроод ябашахадал болобо (Ф. Цыденжапов); углууда байлгаха ямар нэгэн гэм хэһэнэй түлѳѳ үхибүүе буланда зогсоохо (ставить в угол): Баярай тоомоо таһархада, эхэ эсэгэ хоёрынь ходо углууда байлгажа хэһээдэг заншалтай һэн (Д. Сультимов); сэхэ углуу нэгэ талань нүгөө талаһаа сэхэ бодоһон, 90 градустай булан (прямой угол): Мүр мүрөө шанга тулалсаад, толгойнуудаа үһэрилдүүлэн, сэхэ углуу гаратар тонгойлдошоод, дүхэригэй дундуур тойролдонод (Д. Батожабай); 2) нюдэнэй зубхинуудай уулзалдаһан газар, аманай жабжа (уголки глаз, губ): Барбагар нидхээр хушаатай сог шара нюдэдынь ошотой галнуудые шэдэлжэ, шулуун хүхэ углуутай уралнуудынь һориилдошобо (Д. Батожабай); дээшээ углуутай нюдэн һөөлжүү дүрсэтэй, зэртэгэр нюдэн (раскосые глаза); н юдэнэйнгөө углуугаар хараха толгойгоо эрьюулэнгүй, нюдэеэ эрьюулжэ, хулгайгаар, хилалзан хараха (смотреть украдкой, воровским взглядом).