УБАЙГҮЙГӨӨР

наречи тунгаасагүйгөөр, түбэгшөөнгүйгөөр, юумэ тэбшэнгүйгөөр, эшэгүүригүйгөөр, сабаагүйгөөр, юушье тоодо абангүй (бесцеремонно, беспардонно, нагло): Моходойн убайгүйгөөр шэртэхэдэ, Шнелль урдаһаань үзэн ядаһанаа нюухаяашье оролдонгүй, нюдөөрөө сорьёно (А. Ангархаев); убайгүйгөөр мэндэшэлхэ тунгаасагүйгөөр, түбэгшөөнгүйгөөр мэндые һураха, амаршалха (развязно приветствовать): Намжал бэеэ гартаа абажа, хүхюун хэбэр үзүүлэн, гуримһаа үлүүсэ шангаар, убайгүйгөөр мэндэшэлбэ: – Һайндэрөөр амаршалаб! (К. Цыденов).