ТЭН(Г) I

Г) 1. наречи зэргэ, ана-мана; адляар, илгаагүйгөөр, тэгшээр, хахадаарнь (равно, одинаково; наравне, поровну); тэн адли а) зэргэ, ана-мана, дутаагүйгөөр (наравне): – Кузнецовтой тэн адли сохилдохошни гү? (А. Ангархаев); б) мүн адли, аб адли, ямаршье илгаагүй (совершенно одинаковый, равный); тэн тэрээ (н) (гү, али тэреэн) а) зэргэ, ана-мана (наравне, на равных): Хоюулан тэн тэрээн болоно (Ц.-Ж. Жимбиев); Энэ үедэ шулуунайнь бооридо Мүнхэ хуурша Түшэгүүнэй нэгэнтэй хам оролсожо, хоюулан газарта унашоод, тэн тэреэн носолдоно (Б. Санжин, Б. Дандарон); б) адли, илгаагүй (одинаковый): Һайса һагшагдаһан орооһондол, бэеэр ана-мана, наһааршье тэн тэрээ, шэг шарайгааршье сэбэрхэн басагад (Ч. Цыдендамбаев); тэн хубааха тэгшээр, адли хубинудаар хубааха (делить поровну): Тэрэ гэһэнһээ хойшо Гончог-Жамцо Шоно хоёр, хирээ шоно хоёр мэтэ, хамта ажалладаг, олоһоноо тэн хубаадаг болоһон гэхэ (Б. Санжин, Б. Дандарон); ехэ хүнүүдтэй тэн ехэ хүнүүдтэй адли, тэгшэ, зэргэ (наравне со взрослыми); тэн хахад яг хахад, эгээ хахад (ровно половина): – Зүб хадань хоёр морин, хорин бодо, хоёр зуун түхэриг гэһэнэйтнай тэн хахадыень үгэхэмни гү, али үгымни гү, үшөө хүсэд ойлгоогүй һуунаб (Х. Намсараев); 2. юум. н. юумэнэй хахад, үрөөлэ хубинь, дунда хэсэгынь, дундуурхи хубинь (середина, половина): Зэмьеэгэймнай арадахи барьягар томо хухюурай тэн багай гэшүүһэн дээрэһээ нюдаргын тухай хоёр нюдэн улаан хүхэ дүлөөр нам руу гэтэшоод байба (С. Цырендоржиев); газарай тэн үнгэрхэ хахад замаа гараха (проходить полпути): – Газарайнгаа тэн үнгэрхэдөөл жолоогоо табяарай (Д. Эрдынеев); партерэй тэн партерэй дунда хэсэг (середина партера): Набтаршаг, тэбхэгэр бэетэй түрүүлэгшэеэ дахан, Бизьяа үбгэн заалда орожо, партерэй тэн багтахи һуурида һуубад (С. Цырендоржиев); мүрэнэй тэн дунда мүрэнэй тэг дунда, яг дунда (на самой середине реки); зунай тэн июлиин хахад (середина лета): Зунай тэн боложо, хүхын дуунай һүнинүүд үнгэржэ, зунай наран үбэл тээшээ хэлтыбэ (Б. Мунгонов); үдэрэй тэн үдэрэй 12 саг (полдень): Үглөөдэрынь үдэрэй тэн багта Танша нэгэ хэдэн хүнүүдээр хамта орожо ерэбэ (Ц. Шагжин); hүниин тэн һүниин 12 саг (полночь): Ханада үлгөөтэй часынь үбэлэй ута һүниин тэн болобо гэжэ хоёр зурагар һомоёо һундалдуулба (Ц. Дон); hүниин тэнгhээ (гү, али тэнгэй) хойно һүниин 12 сагһаа хойшо (после полуночи): Бадма һүниин тэнгэй хойно алаабхиин наймаалагша Долсоной үүдэ тоншобо (С. Цырендоржиев).