ТЭМДЭГЛЭЛ

юум. н. 1) ямар нэгэн юумэ тодорхойлһон, тодолһон бэшэлгэ (заметка, запись, пометка): Санжа тракторнуудай сэлеэн тээшэ ерэхыень хараад, үбшэнтэнэйнгөө түүхэ соо үдэшынгөө тэмдэглэл дэнгэй галда хэжэ һууһанаа орхёод, угтажа ошобо (А. Ангархаев); тэмдэглэлэй дэбтэр хэрэгтэй юумэ бэшэжэ абахын тула нэгэ талаһаа холбогдоһон хуудаһанууд (блокнот): Доржо гэртээ орожо, тэмдэглэлэйнгээ дэбтэр тумба сооһоо гаргаба (Ч. Цыдендамбаев); 2) газетэ гү, али журнал соо гарадаг тобшо мэдээлэл (краткое сообщение, информация): Манай мэдээжэ шүлэгшэн Лобсон Тапхаевай оршуулһан Үбэр-Монголой шүлэгшэн Һамажабай Одсар гэгшын «Һолир» шүлэгөөр энэ тэмдэглэлээ түгэсхэхэ дурамни хүрэнэ (Ц. Галанов).