ТЭМДЭГЛЭГДЭХЭ

үйлэ ү., хүлеэгд. залог 1) олон адли юумэнэй дунда илгахын түлөө тусхай зураг табюулха (отмечаться): Харин Тогоошо тэмдэглэгдэһэн газарта набтархан гадаһа хадхажархёод, саашаа ошоно (Д.-Д. Дугаров); шара шэрээр тэмдэглэгдэхэ шара шэрээр зуруулха (отмечаться жёлтой краской): Хур ь гад булта нюрган дээрээ шара шэрээр тэмдэглэгдэбэ; 2) анхарал татажа онсолон дурдагдаха, онсолон хэлэгдэхэ гү, али бэшэгдэхэ (отмечаться, особо упоминаться): Лондоной шажан нэбтэрүүлэгшэдэй Буряад орондо хэһэн ажал ябуулга тухай манай республикын хизаар нютагаа шэнжэлэгшэдэй статьянууд, очеркнууд дотор үргэнөөр тэмдэглэгдэнэ (Б.-М. Жигжитов); онсолон (гү, али онсо, тусхайлан) тэмдэглэгдэхэ тусхайтаар дурдагдаха (быть особо отмеченным); 3) бүридхэлдэ абтаха, бүридхэгдэхэ, дансалагдаха, дансада орохо (регистрироваться, фиксироваться): Самолёдой биледууд он-лайнаар тэмдэглэдэдэг болоод амар болобо; 4) ямар нэгэн һайн үдэр гү, али миин баяртай үйлэ ябадалда дашарамдуулһан найрай зохёон байгуулагдаха, һайндэрлэгдэхэ (отмечаться, праздноваться): Буряад Уласаймнай байгуулагдаһаар 100 жэлэй ойн баяр үргэн дэлисэтэйгээр тэмдэглэгдэбэ (minkultrb. ru).