ТЭДЫГЭЭР

: тобшо (гү, али энэ) тэдыгээр наречи богонёор, тодоор, үлүү үгэгүйгөөр, тобшоор (кратко, вкратце): Хэдэн үдэрэй туршада эдэ хоёр сугтаа ябабашье, бэе бэедээ үшөөл даданагүй гү, хөөрэлдөөниинь тобшо тэдыгээр дүүрэшэхэ юм (Д.-Д. Дугаров); Гоё һайханай талаар балшар наһандаа үзэһэн дуулаһан юумэнүүдни энэ тэдыгээр лэ дүүрэнэ (Ц. Шагжин); ёhо тэдыгээр ёһо баримталааша, сахяаша боложо, ёһо дүүргэжэ, тэды зэргээр (формально, для проформы): Малшадай мүрысөөн ёһо тэдыгээр эмхидхэгдэнэ гэжэ хэлэнэ гээшэ аабзаб (Б. Мунгонов).