ТҮҮХЭ I

үйлэ ү. ехэнхидээ жэжэ, адли түхэлтэй, таража хэбтэһэн юумые эндэ тэндэһээ суглуулжа абаха, согсолхо (собирать, подбирать что-л.): Нуурай захын уһа шабар дээрэ хорхой шумуул түүжэ һууһан томо хара турлаагууд хүниие харахадаа хаагалалдан ниидэбэ (Б. Мунгонов); жэмэс түүхэ ургамалай амтатай үрэ зорюута оложо суглуулха (собирать ягоды): Өөрөө хашараашье һаа, басагадай жэмэс түүхыень хаража, дахажа ябахаяа хашарагшагүйб (Ч. Цыдендамбаев); сэсэг түүхэ сэсэг таһа татажа баглаа суглуулха (собирать или рвать цветы): Үнгэрһэн зунай эхеэр Тогоошо адуугаа Химниин бэлшээридэ туужа ябахадаа, эндэ Сэбжэдмаатай уулзаа, лёнхобо сэсэг түүжэ үгэхэб гэжэ найдуулаа һэн (Д.-Д. Дугаров).