ТУУЛАЙ I

юум. н. 1) мэрэдэг амитадай аймагта ородог хара үзүүртэй ута шэхэтэй, ута хойто хүлтэй, богони һүүлтэй, шэгнүүрынь 5 кг хүрэдэг бэетэй, һэтэрхэй дээдэ уралтай, саг үргэлжэ боро үнгэтэй арһатай, дэлхэй дээрэ үргэнөөр тараһан, дэбхэржэ ябадаг зэрлигшье, гэрэйшье амитан (кролик); туулай жэл монгол туургата арадуудай он жэл тоололгоор арбан хоёр жэлэй дүрбэдэхи жэлынь (год кролика, название четвёртого года в двенадцатилетнем животном цикле): 1987 ондо сагаалганһаа хойшо түрэһэн хүнүүд туулай жэлтэй юм; 2) мэрэдэг амитадай аймагта ородог ута шэхэтэй, ута хойто хүлтэй, богони һүүлтэй, шэгнүүрынь 2,5 кг хүрэдэг багахан бэетэй, һэтэрхэй дээдэ уралтай, үбэлдөө сагаан, хабартаа боро үнгэтэй арһатай, Австралиһаа бэшээр дэлхэй дээрэ үргэнөөр тараһан, дэбхэржэ ябадаг зэрлиг амитан, шандаган (заяц): Энэшье миин эндэ һуугаагүй, энээхэн дал соонь байрлаһан туулай барижа эдихэеэ отожо байгаа бэзэ (Д. Батожабай); ◊ халзан туулай болгохо ябуулха, гүйлгэхэ, намнаха (не взирая ни на что, отправлять куда-л.): …Шүдхэршье болог, үглөөдэр түрүүлэгшэдэ ороод туршаха юм байна. Эгээ намайе хайшамни халзан туулай болгогшо ааб? (Ж. Балданжабон).