ТУУЗА

юум. н. тусхай хэбтэ оруулһан гурбан гү, али хоёр үнгын утаһаар хэбээ дээшэ-доошонь болгохо бүреэ гол утаһа оруулжа сохиһон миндаһан (набивная трёхцветная лента): Тэдэнэр хүхэ гү, али хара хилэнгээр оёһон тохойтой торгон гадартай дэгэл дээгүүрээ табан үнгын һолонго татаһан туузаар хүбөөлэгдэһэн хормойтой уужа үмдэнхэй (Д. Батожабай); тууза сохихо туузын хэбтэ гурбан гү, али хоёр үнгын хоёр метр утатай утаhа оруулжа, хэбээ хүдэлгэхэ бүреэ гол утаhа оруулан тууза нэхэхэ (набивать поясную тесьму на домашнем станке); туузын гол хэбтэ оруулагдаhан хоёр зэргэ утаhанай дээшэ доошоо болохо бүринь дундуурнь оруулдаг, саарhанда орёогдоhон утаhан (поперечная нить, пропускаемая между продольными нитками); туузын хэб дундуурнь утаhанай hула хүдэлжэ байха забhартайгаар модо түнхижэ бүтээhэн гү, али дундуураа нүхэтэй нарин модонуудые зэргэлүүлэн, хоёр талаhаань хүндэлэн хабтагар модонуудаар хабшан бүтээhэн, тууза сохидог зэмсэг (станок для набивки поясной тесьмы).