ТУСХАЙЛХА

үйлэ ү. тусгаарлаха, тодорхойлхо, онсолхо (отделять, обособлять, выделять): Эдэ жэмэс буурсагуудые хүсэд болохо болзорһоонь урид яаража түүхэгүй, тэдэнэй ургадаг эшэ ба набша намааень хухалха, гэмтээхэгүйн тухайда эхин шатын һургуулиин ном дэбтэрнүүд соо тусхайлан зааха … шухала (Г. Лёнхобоев); тусхайлан хэлэбэл тусгаарлабал, тодорхойлбол, онсолон хэлэбэл (а именно, в частности, кстати сказать): Тэрэ үеын үндэр наһатан, үбгэд ба хүгшэд маанадые шагнабашье, хабарай гү, али зунай сагта үльгэрнүүдые, тусхайлан хэлэбэл, «Гэсэрые» хэлүүлдэггүй, хэрбэеэ энэ хорюулые тоонгүй гүйсэдхөө һаа, гал ба уһан галабууд боложо болохо гэжэ сээрлэдэг һэн (Н. Бальжинимаева).