ТУСХАЙТА

тэмд. н. 1) онсо, өөрсэ, тусгаар (особый, специфический): Хорин долоон ондо бэшэ, хорин зургаан ондо түрөө гэжэ ямаршье арсалтагүйгөөр баталһан паспорт мэтын тусхайта документтэй байхада ушартайхан ха юм даа (Б. Мунгонов); тусхайта пенсионер тусхай пенси олгогдоһон (персональный пенсионер); тусхайта нэрэ хэлэ шэнж. хүнэй нэрэ обог, амитадай, хада уула, гол мүрэнэй, хото городой болон бусад нэрэнүүд (имя собственное): Юумэнэй нэрэнүүд соо тусхайта нэрэнүүд өөһэдынгөө онсо илгаатай нэгэ бүлэг болодог (Ц.-Ж. Цыдыпов); 2) амяараа, суг бэшэ, бэеэ дааһан (отдельный, самостоятельный): Үдэшэндөө ДПС-эй тусхайта батальоной юһэн автопатруль, хамтадаа арбан найман сагдаанар хаа хаанагүй харгыда гарахань (Буряад Y нэнһөө); 3) гансал нэгэ юумэндэ зорюулагдаһан, тусгаар хэрэгсэлэй (специальный, специализированный): Худалдаа наймаанһаа олдоһон мүнгэн малайнгаа тоо толгой олошоруулгада, хоол тэжээл тэдээндээ бэлдэхэ, мүн тусхайта наймаануудые нээхэ хэрэгтэ дамжуулагдаха (vtinform. com).