ТУДХААХА

үйлэ ү., идх. залог 1) тааралдуулха, дайралдуулха (подбирать, приноравливать): Намда немецкэ ефрейторэй хубсаһа тудхааба (Ц. Галсанов); саг тудхааха тохиромжотой саг тааруулха (подбирать время): Арад зоной үргэн хэрэглэлдэ ородог хуһа бэлэдхэхэдээ, хатуу, бүхэ байдаг сагыень тудхаажа, хабартаа хуһанай набшын булсуугай задаржа, хулганын шэхэнэй тухай набшаһатай байха үедэнь табан хоногой турша соо отолжо, хальһыень хуулан хатаадаг байһан юм (Г. Лёнхобоев); 2) эхир. тон тааруулха, алдахагүй (попадать в цель, не ошибаться): Амба томо һомонууд / алта шуургаа / аймшагтайгаар тудхаажа, / дээрэмнай буулгаа (Д. Хилтухин).