ТОДОРХОЙЛХО

үйлэ ү. 1) элирүүлхэ, ойлгосотой болгохо, тодо болгохо, мэдэжэ абаха (выяснять, выявлять, определять, устанавливать): Дугар үбгэжөөлэй хамарай мужагад гэхые обёороодхибо: теэд дурадхалыень ямараар хүлеэбэ хаб гэжэ юушье тодорхойлжо шадабагүй (Б. Шойдоков); һайса тодорхойлхо һайнаар, лаб мэдэжэ абаха (выяснить как следует): Хэрбээ дуугархаа болишоогүй һаа, Логиновтой хөөрэлдэжэ, гэртэнь юунэй болоһые һайса тодорхойлхо һэн (Б. Шойдоков); 2) жэжэ баримтануудые нэмэжэ хэлэһэнээ бүри тодорхой болгохо, тайлбарилха, ойлгуулха (уточнять, пояснять): – Мүнөө би таниие зорюута аша басаганайтнай ажалые харуулха гэжэ асараа һэм, – гэжэ түрүүлэгшэ тодорхойлно (Ц.-Ж. Жимбиев); тодорхойлбол, тодорхойлжо хэлэбэл, тодорхойлон дурдабал бүри тодоор хэлэбэл, элишэлэн тоблобол (точнее говоря, вернее сказать): Тэрэл 1936 онойнгоо эсэстэ, тодорхойлбол, декабрь һарада Агын мүнгэн һангай таһагта дансануудай хэрэг эрхилэгшээр томилогдобо (Ц.-Д. Жамсаранов); Тодорхойлжо хэлэбэл, эгээл нөөхи сагаалганай һүүлээр тэрэ уршагта ушарнуудайнь заха үзүүр харагдажа эхилээ һэн (Б. Мунгонов).