ТОДОРУУЛХА

үйлэ ү., идх. залог 1) элирүүлхэ, мэдэжэ абаха, ойлгохо, тодорхой болгохо (выяснять, устанавливать, определять): Зэмэтэ лама Жамса Галданай гэгшын энэ хэрэгтэ хабаадаһые сохом тодоруулха бодото баримта олоогүй тула зүгөөр орхибо (Ц. Дон); 2) гэрэлтүүлхэ, элеэр харагдуулха (освещать): Энэ үедэ пеэшэниинь хүнхинэн носожо, гэр соогуур гэрэл толо хаян, тэдэнэй нюур шарай тодоруулба (Ц.-Ж. Жимбиев).