ТАТАСАГААХА

үйлэ ү., видэй нэгэ түхэл 1) татаад-татаад абаха, татан-татан байха (потягивать): Удамбраа эдээн соогоо барагтайгаар гарасалдаһан хүн хадаа басагые бодхоохо һанаатай гарһаань татасагааба (Ц.-Ж. Жимбиев); хүлөө татасагааха хүлөө ээлжээгээрнь хүдэлгэхэ (переставлять ноги): Тээ урдань һүүлэй хэдэн һара соо гозогор ута болошоһон Андрей хүлөө түргэ түргэн татасагаан һайбарлана (С. Цырендоржиев); шоото татасагааха шоото дээрэ тоолохо (считать на счётах): …шоотоёо тас-няс байса саашань татасагаана (Ш.-С. Бадлуев); эрхи татасагааха нэгэ нэгээр эрхиин монсогорнуудые мухарюулан эрьюулжэ маани мэззэм уншаха (перебирать чётки): – Яагаабта?.. – гэжэ Самбуу лама хэлэшэгүй уриханаар гүбэд гээд, гартаа байһан эрхиеэ татасагаана (Д. Батожабай); өөдэ татасагааха эмхилхэ, сэбэрлэхэ (приводить в порядок, делать уборку): Үдэшэ уулзаад, үглөөгүүр тарадаг, байһанаа эдеэд, уугаад, гэртэхи досоохиёо өөдэ татасагаагаа һаа татасагаажа, үгы һаа үгы байдаг (Ц.-Д. Хамаев); шагабша татасагааха хахарһан оймһоной түриидэ шагабша залган нэхэхэ (надвязывать носок): Будаали газетэ, журнал харасагаагаад, шагабша татасагаагаад, хахад һүни болоогүйхэн байхада… (Ц.-Д. Хамаев).