ТАТАМА

тэмд. н. татахаар, нааршаама (привлекательный, влекущий, манящий); дура татама дурламаар, дурлахаар (привлекательный): Ехэл гоё гоо юм даа һамганиинь, эхэнэр бэень хэнэйшье дура татама һайхан (С. Доржиев); анхарал татама һонирхуулмаар (привлекающий внимание): Ши бидэ хоер гансата анхарал татама байхабди (Ц. Цырендоржиев); толо татама ялагар, ялалзаһан, толормо (сияющий, сверкающий): …Гэгээтэмэ һайхан шарайтай, / Толо татама тунгалаг, / Туяа татама арюухан… (Х. Намсараев).