ТАРЯАШАНАЙ

тэмд. н. таряашадта хабаатай, таряашадай хэрэг шиидхэхэ (крестьянский): Нүхэдэй аймагай эдэбхитэй ниитын ажаябуулагша, таряашанай ажахын хүтэлбэрилэгшэ Александр Урбагаевай нэрэ олондо мэдээжэ гээшэ (Н. Цыденова); таряашадай асуудал газар ажал эрхилэгшэдэй һанаа зобооһон асуудал, ушар (крестьянский вопрос); таряашанай реформо газар ажал эрхилэгшэдэй байдал хубилган шэнэлэлгэ (крестьянская реформа); таряашанай хүдэлөөн таряашадай байдалаараа сэдьхэлээ ханаагүй хүдэлөөн, таряашадай буһалгаанууд (крестьянское движение): Удаа тушаа томо томо городуудаар тэрэ мэтэ зэбсэгтэ тулалдаанууд һүжэржэ, баһа таряашадай хүдэлөөнүүд хаа хаанагүй боложо эхилбэ гэжэ үдэр бүри дуулдана (Х. Намсараев).