ТАМГАЛХА

үйлэ ү. 1) халуун түмэр хэрэгсэлээр тусхай тэмдэг хайраха, тэмдэглэхэ (ставить тавро, клеймить): – Эдэ сарнуудай сүүлынь тайраад, тамгалаад, сүрэгтөө абаашажа ниилүүлэ! (Ж. Балданжабон); 2) тамга дараха (ставить печать): Тиигээд лэ тэрэ столойнгоо саана сагнайн һуужа, засаг түрын хэрэгээ ябуулна, саарһан дээгүүр таталуулна, гараа табина, тамгална (Ц.-Ж. Жимбиев); 3) мүр, сараа үлөөхэ (оставить след): Бартаатай үргэн намарга газарта түб түхэреэхэн хоёролжон мүрнүүдые тамгалан, хайшаашье ошоһыень илгаруулхын аргагүйгөөр мүрлэжэрхёо (Х. Намсараев).