ҮРМЭДЭҺЭ(Н)

(н) юум. н. буртаг, бог үбһэнэй юрэнхы нэрэ (полынь, общее название сорняков): Дүүхэй хашаагай арадахи бүгшэм үрмэдэһэн соо орожо, эжынгээ арилтар борсойжо һууба (М. Осодоев); үрмэдэhэ жэрмэдэhэн янза бүриин буртаг, бог үбһэн (полынь и другие сорняки); гашуун үрмэдэhэн боробтор үнгэтэй, 30–100 см үндэр эшэтэй, жэжэ монсогор сэсэгтэй, шороб үнэртэй, гашуун амтатай, эмнэлгэдэ хэрэглэгдэдэг нэгэ наһата гү, али хоёр наһата буртаг үбһэн (полынь Сиверса): Гашуун үрмэдэһэнэй, утаанай үнэрые үглөөнэй хүйтэн һэбшээн хаанаһаашьеб асарна (В. Гармаев); морин үрмэдэhэн 50–200 см үндэр эшэтэй, жэжэхэн шара г ү, али хүрин сэсэгүүдтэй, шанга үнэртэй, эмнэлгэдэ хэрэглэгдэдэг олон наһата буртаг үбһэн (полынь обыкновенная, чернобыльник); уhан үрмэдэhэн нэгэ наһата гү, али олон наһата буртаг үбһэн, набашһаниинь мүнгэлиг үһэтэй ушарһаа дээрэнь талха үйрүүлһэн шэнги харагдадаг (лебеда); хамхуул үрмэдэhэн эдеэшэһэнэй һүүлээр үндэһэнһөө таһаржа һалхяар туугдажа мухаридаг бөөрэнхы түхэлтэй ургамал, ямаан халаахай (перекати-поле): Тиигээд өөрынгөө шашаг хөөрөө эхилжэ, хамхуул үрмэдэһэдэй үрэһэн шэнги гашуун жэжэхэн үгэнүүдээ адхажа эхилнэ (Ч. Цыдендамбаев); тобшо үрмэдэhэн монсогор шара буурсагтай, шанга үнэртэй, гашуун амтатай олон наһата буртаг үбһэн (полынь горькая).