ҮРИ II

юум. н. үхибүүн, хүүгэд, сурба, хүбүүн, басаган (ребёнок, дитя): Нагмид хайрата нүхэрэйнгөө нэрые хүндэлжэ, хоюуланайнгаа ганса үриие һанажа, хамаг наһаяа үнгэргэбэл даа (Д.-Д. Дугаров); үри бэе (гү, али хүүгэд, хүбүүн) үхибүүд, багашуул (дети, потомство): Эхэ эсэгын hанаан үри бэедээ, үри бэеын hанаан ой тайгада (Оньһ. ү.); Наһаараа түрөөгүй энэ байтаһан һамган Туваан хамбаһаа үри хүүгэдые эрижэ, адис хүртэхэеэ ерээ (Д. Батожабай); аша үринэр ашанар, хүбүүнэй үхибүүд (внучата); хүбүүн үри эрэгтэй үхибүүн (сын); басаган үри эмэгтэй үхибүүн (дочь): Уг гарбалай ёһо заншалаар үеһөө үедэ эхэ хүнэй басаган үридөө алтан бэһэлигээ дамжуулжа үгэхэдэнь, тэрэниие нарин нягтаар сахижа ябаха ёһотой юм гэһэн гүнзэгы бодол эндэ элирхэйлэгдэнэ (Г.-Д. Дамбаев); үриин үринэр, үри hадаhан (гү, али саданар) хойто үенүүд (потомки): Тэдэнэй дундаһаа Лыксэгэй түрэл түтимые, үри һадаһыень илгаруулха аргагүй, булта адли, нэгэн гашуудалда абтанги үзэгдөө ёһотой (Д. Эрдынеев); Үри саданарынь лэ хүлөө дүрөөдэжэ, элинсэг хулинсагайнгаа заяата хүсэлые бэелүүлхэ табилантай байһан бэзэ даа (Д.-Д. Дугаров); үриин үридэ үеһөө үедэ, үе дамжан, урда сагай зон h оо мүнөөнэй зондо, эсэгэ h ээ хүбүүндэ дамжан (из поколения в поколение); үри бэегүй (гү, али багагүй) үхибүүгүй, багашуулгүй, үхибүү түрөөгүй (бездетный): Иигэһээр энэ абгаймнай нарай малда дуратай болохо юм гү, ганса бэе, үри бэегүй эхэнэр хадаа үхибүүдһээ өөрэгүй юумэдые хаража, жаргажа ябаха аалам гэжэ сэдьхээ бэлэй (Ц.-Ж. Жимбиев); үри бурюуха боох. хүүгэдэй хүүгэд (потомство); үри бэесэр хууш., шоодб. таһардаһан, хүүгэд (отпрыск, потомок).