ҮРДИХЭ

үйлэ ү. 1) түрүүлхэ, ахиха, урдаа оруулхагүй, хэнһээшье урда гараха (опережать): Би энэ дары танай унтари абаашажа үгэһүү гээд, даб гэхэдэнь, би үрдижэ, Бальжидай орондо дүтэлбэб (А. Жамбалдоржиев); 2) юумые сагтань һайн хэжэ гүйсэдхэхэ, амжаха (успевать): Ринчимаа түргэхэн заал уруу орожо, томо гэрэлэй урда зогсоод, Саармада һайшаагдаха гэжэ үһэеэ һамнаба, уралаашье будажа үрдибэ (Г.-Д. Дамбаев); үрдихэеэ болихо юумые сагтань хэжэ шадахагүй, сагаар дуталдаха (не успевать): Үрдихэеэ болёо һаань, оньһон түхеэрэлгэ энэ хүдэлмэрииень өөрөө саашань үргэлжэлүүлхэ, тиихэдэнь Балта тэрэниие хажууһаань хинан хараха операторай үүргэ дүүргэжэ захалха (Д. Эрдынеев).