ҮНЖЭХЭ

үйлэ ү. үдэрөө үнгэргэхэ (дневать, проводить день): Энэ үбэлдөө сүлөөл үдэрэй гарахада, үбгэн гол горхоной ойро үнжэдэг байгаа (Ц.-Ж. Жимбиев); гэртээ үнжэхэ бүхэли үдэртөө гэртээ байха, газаашаа гарахагүй, талаар ошохогүй (проводить день дома): Тэрэ мүнөөшье оройхон болоһон хойно ерэжэ, гэртээ үнжэһэн бишыхан басагаяа эдеэлүүлһэн бэеэрээ, үдэшынгөө һаалгада гараба (Ц.-Ж. Жимбиев); үнжэжэ эдеэлүүлхэ нэгэ хоног болоод лэ эдеэлүүлхэ, үдэр алгадаад эдеэлүүлхэ (кормить кого-л. через сутки, напр. верблюда); хэбтэжэ үнжэхэ бүхэли үдэртөө хэбтэхэ, хэбтэһээр үдэрөө үнгэргэхэ (лежать весь день): Тогоошын хаанашье ошохо, юушье хараха дураниинь үгы, таһалгадаа хэбтэжэ үнжэбэ (Д.-Д. Дугаров); ○ хонохо гэжэ үгэтэй парн. хэрэгл.