ҮНДЫЛГЭХЭ

үйлэ ү., идх. залог үргэхэ, дээшэнь болгохо (поднимать): Наранда бэеэ шаруулжа элһэн дээрэ хэбтэгшэд нюураа бүтүүлһэн газетэ болон пулаадаа абажа, тохоногоороо газар тулгажа, сээжэеэ үндылгэжэ, тэрэ хүниие харашана (Г.-Д. Дамбаев); толгойгоо (гү, али тархяа) үндылгэхэ толгойгоо дээшэнь үргэхэ, доошоо хаража байтараа сэхэ хараха (поднимать голову): Зүрхөөрөө таагаа юм гү, үдьхэлжэшье байбал һэрихэгүйгөөр хурхиржа хэбтэһэн Арьяшка толгойгоо үндылгэжэ, һэлхэнтэһэн хүмэдхэеэ нойрмогоор нээжэ хараа (Д.-Д. Дугаров); Ямаршьеб юумэндэ бодолгото боложо, номһоо тархяа үндылгэн гэхэдээ, гансааран үлэшэһэнөө ойлгожо, сошожо абаба (К. Цыденов); 2) шэлж. ехэ болгохо, үргэхэ, тэнжээхэ, томо болгохо, хүмүүжүүлхэ (поднимать, растить детей, молодняк): Аба эжыдэшни баярые хүргэнэб / иимэ зохид басага үндылгэhэндэнь (Э. Зандраев); тэжээжэ үндылгэхэ эдеэлүүлжэ тэдхэхэ, томо болгохо (выращивать, поднимать): Үшөө тугал байхаһаань тэжээжэ үндылгэһэн, олохон түл абаһан улаагшаниинь уржадэр үхэшэбэ (В. Гармаев).