ҮХИБҮҮНЭЙ

, үхибүүдэй тэмд. н. багашуулда хабаатай (детский): Айлшан ахай үүдэ орон сасуу үлгөөтэй бүд, аршуул, үхибүүнэй һууринуудта хаагдан зогсобо (Ц.-Ж. Жимбиев); үхибүүнэй тэдхэмжэ үхибүүнэй түрэхэдэ гүрэнһөө дэмжэлгэ болгон үгтэдэг мүнгэн (детское пособие, детские): Түрэһэнэй удаа үхибүүнэй тэдхэмжэ абахаш, Дари, мүнгэнэй тиимэ ехэ бэшэшье һаа, всё равно туһа (С. Доржиев); үхибүүнэй заяа (н) ша буряад зоной ойлгомжоор үхибүүнтэй хамта тэрэнэй заяаша гэжэ суг түрэлсэдэг; тэрэ тон хёрхоор үхибүүнэй эхэ эсэгые хинажа, үхибүүгээ аршалжа ябадаг гэхэ. Хэрбээ эсэгынь гү, али эхынь ондоо хүнтэй hэшхэлтэй болошоо hаань, заяаша үхибүүень абажа ябашаха гэжэ байдаг. Иигэжэ ямаршье зэмэгүй үхибүүн аба эжын гэмээр гэнтын аюулhаа гү, али ямар нэгэн тодхорhоо халишадаг. Үгышье hаа, хурисалда дуратай айлай үхибүүдынь удаан айл боложо ядадаг, заримдаа хадамда гарангүй, hамга абангүй үнгэрдэг. Энэ ушарта «эхэ эсэгэнь өөрынгөө жаргал дууhан эдлээд, үхибүүнэйнгээ хубиие хонжобо» гэдэг. Тиимэhээ үри үхибүүдэйнгээ зол хубииень hанажа, тэрээндэнь муугаар оролсохогүйн тула бэеэ бариха ёhотой гэжэ буряад зон ойлгодог байhан И. Манжигеев (дух-покровитель ребёнка).