ҮДХЭНӨӨР

наречи 1) олоор, элбэгээр, пасхайтар, бад байса (обильно, густо): Зүгөөр эгээн гайхалтай юумэнь юун бэ гэхэдэ, энэ пулемёт олон жэлдэ хадагалагдаха ба жэбэрхэгүй болгогдожо, сэмгэнэйнгээ зосоо газаагүй техническэ тоһо үдхэнөөр түрхюулһэн байба (Б. Мунгонов); үдхэнөөр бургаха бүтүүрэн пасхайса орохо (густо валить – о снеге): Тугаарай огторгой үлэ мэдэг сайража, шэнгэхэн сэмхэг унажа байһанаа, үүлэ манан шэлын оройнуудые шударан буужа, саһан үдхэнөөр бургажа захалба (Д.-Д. Дугаров); 2) нягтаар, ойро ойро, зай багатайгаар, зай забһаргүйгөөр (плотно, густо): Зүгөөр тэрэнгиин һөөгүүд үдхэнөөр ургашанхай, моридой ябадалда яаха аргагүй һаалта хэнэ (В. Гармаев); 3) аагтайгаар, эхүүнээр (крепко, густо): Һайхан h үтэй сай үдхэнөөр шанажа уугаагүй h аа, үбгэжөөлэй h анаан дүүрэдэггүй ха юм (Ч. Цыдендамбаев).