ҮДЬХЭЛХЭ

үйлэ ү. хүлөөрөө дайраха, сохихо, тогшохо, хайраха (пинать(ся), лягать(ся), топать ногой): Морин хоолойһоо шуһа гоожуулан, мундуу дошхоноор шоные шарбашатар һэжээд, нюдэ нюургүй сабшажа, үдьхэлжэ оробо (С. Ангабаев); зада һамна үдьхэлхэ хүлөөрөө низа нэшэхэ, гэшхэхэ, биса дэбһэхэ (растаптывать): Харин үнөөхи гуринха шонотой тулалдажа, тархи тагалсагыень зада һамна үдьхэлхэнь бүришье аймшагтай һэн (М. Осодоев); хүлөөрөө үдьхэлхэ а) хүлөөрөө дайраха, сохихо (пинать ногой, ногами): Орон дээрэ унтажа хэбтэhэн хүбүүдынь үе-үе болоод лэ хүдэлнэ, хүлөөрөө үдьхэлэн, хушалтаяа сэлинэ (Г.-Д. Дамбаев); б) хүлөөрөө сохихо, дэбһэхэ (топать ногой, ногами): Хүлөөрөө ехээр бү үдьхэлэгты!; в) хүлөөрөө нэгэ юумэ тулаха, гэшхээд үзэхэ (упираться ногами во что-л.): Тиигээд нэгэ обоо хүбөө шэбхын ойро ошожо, протезтэй хүлөөрөө үдьхэлэн һурана (Ц.-Ж. Жимбиев); футбол үдьхэлхэ футбол наадаха (играть в футбол).