ҮДЭШЭХЭ

үйлэ ү. 1) хүниие ямар нэгэн газар хүрэтэр хүргэхэ, шиидхэхэ, дахажа ябаха, ябалсаха (провожать, сопровождать): Ой хүбшын олон шубууд, ан амитад бултадаа Будамшуу хүбүүе үдэшэбэ (Ц. Шагжин); нюдөөрөө үдэшэн хараха хүнэй хойноһоо харасаяа һалгаангүйгөөр хараха (провожать глазами): Жалгын хүбөө үнгэржэ, хараа далда ороторнь, хойноһоонь хулгай нюдөөрөө үдэшэн хараад, бушуухан мориндоо мордожо, Шандаган малгайта һөөргөө эрьен дабхиба (Ц. Дон); 2) хүнэй ябаха дурагүй байхадань ябуулха (выпроваживать): Нэгэ хэды болоод, Шоён гэртэһээ хара хубсаһатай, дунда наһанай халамгай хүниие үдэшэбэ (А. Ангархаев).