ҮБШЭНГҮЙ

тэмд. н. бэедэ зоборигүй, хүндүүлхэй бэшэ (безболезненный): Энэ тарилгатнай үбшэнгүй; үбшэнгүй болгодог эм дом бадайруулдаг эм (анестезирующие средства); үбшэнгүй болголго бадайруулга, бэеынь гү, али ямар нэгэн хубиинь мэдэрэл унтараалга, мэдээ алдуулалга (обезболивание, анестезия); 2) тэмд. н. элүүр энхэ, бэе һайтай, бэе лагшан түгэлдэр (здоровый): Газааһаань хараха янзада ямаршье үбшэнгүй, теэд гэдэһэниинь яагаа тэнзэгэр юм, зосоогоо дүүрэжэ, түүдэгтэжэ, санхатажа болоо гү? (Ц.-Д. Хамаев); үбшэнгүй элүүр бэе һайтай, бэе лагшан түгэлдэр (здоровый): Мүнөөнэй буряадууд зүблэлтэ засагай аша туһаар хирэгүй бэетэй, үбшэнгүй элүүр ябаха, ута үндэр наһа наһалха хуби заяатай болонхой юм (Б. Мунгонов).