ЖАЛСАН

юум. н., хууш. монг., будд., илагуугсану тэмдэг 1) бурхан шажанай илаһанай тэмдэг. Жалсаниие гол түлэб шарамал зэдээр хэжэ, газаа таладань элдэб дүрсэ тобойлгон гаргадаг. Мүн олон үнгын бүдѳѳршье хэдэг. Дасан һүмын оройдо гү, али дүрбэн үнсэгтэнь бодходог. Шарын шажанда таарахагүй тэрсэ сэдьхэлые диилэжэ, мандан бадархын бэлэдхэл гэдэг (знак победителя, символ победы Учения Будды в виде металлического цилиндра, в который закладывают священные тексты и устанавливают по четырём или двум углам на крыше храма): Тэрэнэй доодо дабхартань баhал дүрбэн таладаа жалсантай, боди гүрѳѳhэнүүд хорлотоёо, доодо дабхартань дүрбэн зүгтэнь жалсан, хорло боди гүрѳѳhэнүүдтэеэ, хормойнуудтань 64 алталмал толи (Р. Зундуев).