ЖАБАР

юум. н. 1) шэрүүн хүйтэн һалхин (хиус, ветер-верховик): Үдэшын янгинама жабар Эреэн хадын хабшалаар шулуудан буужа, алимши онгорхой газар, улаан нюур гэһэндэл ханхинан тооһорно (Ц.-Д. Хамаев); Жабарһаа даарахагүй, жэбэрһээ суурахагүй; 2) хүйтэн (мороз, холод): – Ехэдээл һаа, 20–30 градус жабар ханхинажа байха (С. Цырендоржиев); жабар хүйтэн агаарай бага температура, һэрюун (морозы): Хүбүүндээ дулаахан, ямаршье жабар хүйтэнэй дааруулхагүй зузаахан оймһо оёжо эльгээхэеэ бэлдэжэ һууһыень бэринь мэдэнэ (Ц.-Д. Хамаев); үглѳѳнэй жабар а) эртэ үглѳѳнэй онсо хүйтэн (утренний мороз): Үглѳѳнэй ханхинама хүйтэн жабар шэнэһэн тужын хаяагаар һубагтан уняартана (Х. Намсараев); б) үглѳѳнэй хүйтэн һалхин (утренний ветер): Үглѳѳнэй жабарта үлеэгдэжэ, хамаг бэень гансата эшэргэнээндэ баригдаһан мэтэ бэржын хүхэрбэ (Ц. Шагжин); 3) һэрюу, һэбшээ (свежесть, прохлада): Сэбэр бүргэд үбсүүгээр / Сэлгеэ дуулим жабарые / Хаха зүһэн халтирнал (Х. Намсараев); ○ һалхи гэжэ үгэтэй парн. хэрэгл.