ЗУУРШАЛГА

юум. н. 1) хэлсээндэ хоёр талын хороондо хабаадалга, албан ёһоной гуйлта (посредничество, ходатайство): Буряадай үсѳѳншье һаа, үхибүүдые ород үхибүүдтэй хамта һургуулида һургахые Эрхүүгэй воеводствын үмэнэ һүүлэй үедэ зууршалга хэжэ байһан юм (Б. Санжин, Б. Дандарон); 2) һайшаал үгэлгэ, һайнаар сэгнэлгэ, дэбжүүлгэ (рекомендация): – Константин Доржиевич, тиимэ зууршалга бэшэжэ үгыт даа (Б. Мунгонов); 3) үсѳѳн саарһан дээрэ табигдаһан ноёной шиидхэбэри (резолюция): Орлогшо министр аймгүйсэдкомой зууршалга абаад гүйжэ гараһан аад, үнишье болонгүй министерствын зүбшѳѳл машбюродо сохюулаад ерэбэ (Б. Мунгонов).