ЗУУРААР

: саг (гү, али ойро, түр) зуураар түр, хододоо бэшээр (временно, на некоторое время): Манай саг зуураар гү, али хэтэдээ хахасаһан ябадалда би зэмэтэй бэшэб (Ч. Цыдендамбаев); Тогоошо тэрэ эбэрээ дүрбэ дахин хүнэгтэй уһан соо ойро зуураар хэжэ болгоод, зүүнэй үзүүрээр хадхажа үзэхэдэнь, шүүһэн гарабагүй (Д.-Д. Дугаров); – Түр зуураар эндэ ороод гараха гэжэ тэрэ үбгэндэ дуулгыт, – гэбэ Доржо (Ч. Цыдендамбаев); саг зуураар хүдэлхэ а) үргэлжэ бэшээр, нэгэ хэды саг соо ажаллаха (работать временно); б) нэгэ газарта тогтууритай ажалгүй, иишэ тиишэ ябажа мүнгэ олохо (перебиваться случайными заработками); түргэн зуураар а) шуумгайгаар (быстро); б) нэгэ хэды саг соо (некоторое время).