ЗУРУУЛ

юум. н. 1) шударжа гал гаргадаг юумэн, шиирэ (спичка, спички): Тиигээд тэндэ һайлан урдажа байһан спирт дээрэ галтай зуруул хаяхадань, урдаһаань улаан дүлэн соробхилбо (Ц.-Ж. Жимбиев); зуруулай гансахан модон бүхэли гэр шатаадаг (Оньһ. ү.) жааханшье алдуу гайтай хойшолонтой байжа болохо (мелкая оплошность может иметь большие последствия): Зуруулай гансахан модон бүхэли гэр шатаадаг, ганса дипломадай алдуу бүхэли гүрэн унагаахадаа болодог ха юм! (Д. Батожабай); 2) техн. зэргэлээ шугам зурадаг хэрэгсэл (рейсмус).