ЗУРАЛЗАХА

үйлэ ү. 1) жэрэгэнэхэ, зураганаха, зурагад гэхэ (мелькать): Харгын хажуугаар орбойлдоһон үсѳѳхэн нарһанууд, бургааһа һѳѳгүүд, томо томо шулуунууд зуралзана (Б. Мунгонов); 2) һуунагтаха, утаар зурын харагдаха (тянуться, протягиваться): Бүри урдань, нюдэнэй хараада зуралзаһан харгы нютаг руунь Шойнзониие дуудана, тоонтото газар тээшэнь даллаһандал дахуулна (З. Гомбожабай); 3) ялагад гэхэ, ялаганаха (сверкать): Гал дүлэн һүрѳѳтэйгѳѳр мушхаран, мориной хатар соо гэхээр, гайхалтай түргѳѳр зуралзаха (Б. Мунгонов).