ЗУРАХА I

үйлэ ү. 1) хабтагай юумэн дээрэ зурлаа, шугам татажа юумэнэй дүрсэ гаргаха, уһан шэрэ, гуашь пастель г.м. будаг, хѳѳ, шохой, харандааш хэрэглэдэг (рисовать): Сэндэмын хѳѳрѳѳнэй үедэ тэрэ ватман дээрэ дүрэ зурагыень хара карандашаар зуража үрдеэ (С. Цырендоржиев); зуража абаха хуулажа зураха, хаража зураха (срисовывать): Би тэрэ бишыхан гэрые ѳѳрынгѳѳ шадаха зэргээр ехэл нарилжа, зуража абаһан байнаб (Х. Намсараев); 2) шугам зураг хэхэ; үгын доогуур шугам хэхэ; баллаха, хуу зураха, зурлаа шугамаар бэшэһэнээ зуража хаяха (чертить; подчёркивать; зачёркивать): Петровскиин дурадхалаар, Дагбаев Хэжэнгын аймагай Чисаана ошожо, үбгэд, хүгшэдтэй хэдэн үдэр хѳѳрэлдѳѳ, Цыден-Жабай уг гарбалай, түрэл гаралай ёһотой схемэ зуража бүтээгээ (В. Гармаев); Уншажа һууһан статьягайнгаа зарим газарыень гартаа барижа һууһан улаан карандашаараа зуража тэмдэглэнэ (К. Цыденов); Хурсаар үзүүрлэгдэһэн үдэн гуурһануудһаа Доржо нэгые абажа, бэхэ соо дүрѳѳд, зохёол дээрээ тонгойжо, шашаг табан үгэнүүдые зураад, тааруу тобшохон хоёр үгэ бэшэбэ (Ч. Цыдендамбаев); 3) шударха – зуруул тухай (чиркать спичками): Шонын зуруул зураад харахада, үнэхѳѳрѳѳшье гурбан адлихан түмэр хайрсаг баруун урда буланда байба (Б. Санжин, Б. Дандарон); 4) баруун бур. бэшэхэ (писать); ○ зайха гэжэ үгэтэй парн. хэрэгл.