ЗУН

1. юум. н. жэлэй дүрбэн сагта үзэгдэдэг, сэсэг ногооной ургадаг байгаалиин дулаан саг, нажар (лето): Гурим соогоо бороотой, үлүү гарама бэшэ, дулаахан, урихан зун боложо байна ха юм (Ц. Цырендоржиев); Зун ургадаггүй зургаан сэсэг үбэл гараба (таабари, Суг мүшэд); 2. наречи 6–8-дахи һарын туршада, дулаан сагта, нажартаа (летом): Харахадань, зун ѳѳрынь нюруулһан баруун захын һүриин орой хойто үнсэгһѳѳ һалхинда шамарһан байба (Ц. Дон); үнгэрэгшэ (гү, али үнгэрѳѳшэ) зун нёдондо жэлэй нажар (прошлым летом): Үнгэрэгшэ зун шүдэ ташама хүйтэн Ангарын уһанда умбажа, зулай дээрэһээ наранай элшэдэ шаруулан, элһэн дээрэ аярхажа хэбтэдэгээ һананам (Ц.-Д. Хамаев); Үнгэрѳѳшэ зун һаяхан сэсэгээ гүбеэд байһан мойһоной һѳѳг доро үүр сайтар хоюулан һуугаа бэлэй (Б. Санжин, Б. Дандарон).