ЗУГ

: зуг татаха (гү, али тудаха, гэхэ), зог татаха (гү, али тудаха, гэхэ) үйлэ ү. гансата байшаха, зогсошохо (приостанавливаться, неожиданно останавливаться): Арьяатанай зуг татаха бүринь ангууша хүбүүн тэрээниие хараадаа оруулжа байба (С. Доржиев); Тэрэ ойлгомторгүй хэрэлсы ѳѳдэ гаража ябатараа, гэнтэ зуг тудаба (Д. Эрдынеев); Тиигээд дүтэлэн, аршаанһаа гараараа удхан уухаяа забдаба, теэд гэнтэ зуг гээд, Шоёниие шэртэбэ (А. Ангархаев); Хүбүүхэд хэдэн алхам дүтэлѳѳд, ара нюрганhаа татуулhан юумэдэл, гэнтэ зог татан байра дээрээ эгсээр тогтошоод, юунэй боложо байhыень гайхан харашанад (Г.-Д. Дамбаев); зуг татуулха байлгажархиха, зогсоожорхихо (приостанавливать): Малаадаймни хэр гэлдэжэ ябана гээшэб гэжэ һанаад, моридоо зуг татуулан, шагнаад орхиходонь, косилкын абяан таршаганажал ябаба (Х. Намсараев).