ЗОРИГЖОХО

үйлэ ү. 1) зүрхэтэй болохо (мужаться): Хэм соонь хүртѳѳд байбал, даараһанаа дулаасахаш, эсэһэнээ гансата хүсэ нэмэхэш, зүрхэ алдаһанаа зоригжохош (С. Доржиев); 2) урмашаха, урагшаа дабшаха хүсэлтэй болохо (воодушевляться, вдохновляться): Дуулаха тумаа урмашан зоригжожо, халуудаһанаашье мэдэнэгүй ха (М. Осодоев); 3) шиидэхэ, хүсэл түрэхэ, хүсэхэ (решиться, вознамериться): Иигэжэ бодоходоо Сэмбэл сухалдажа, тэмгэ ябажа, үүдэ нээгээд, тэрэнээ хүнжэлтэйень үргэжэ абаашахаар зоригжобо (М. Осодоев).