ЗАЯАХА

үйлэ ү. 1) уридшалан тодолхо, эртээнһээ зааха (предопределять, предназначать судьбою): Эрдэмтэ физигэй һамган болохо гээшэ бурханай заяаһан талаан гээшэл, бү алдыш гартаа ороһон шубуугаа (С. Цырендоржиев); 2) үршѳѳхэ, хайрлаха (ниспосылать, даровать): Тала дайдын, агаарай, уһа голой аглаг арюун байхынь тулада бурхан гээшэ зарим хүндэ ангуушанай шунал заяаһан байха (Ч. Цыдендамбаев); 3) тэмдэг үзүүлхэ, урид мэдэжэ хэлэхэ, абаралдан буулгаха, юрѳѳхэ (провозвещать, предвещать): Шубуудай жэргээн зүрхэ сэдьхэлыень үлгыдэн бѳѳмэйлжэ, хэзээдэшье залиршагүй халуун дура заяажа, хододоо сугтаа ябахыень уряалхадал гэхэ юм (М. Осодоев).