ЗАРШАМГҮЙ

тэмд. н. ямаршье тогтонги һаналгүй, хамаагүй үзэлѳѳ хубилгадаг (беспринципный): ямаршье арюун сэдьхэлэй заршамгүй, тушаал намнашаһан хүн; ёһо заршамгүй хамаагүй үзэлѳѳ хубилгадаг (беспринципный); заабари заршамгүй һургаалгүй, һургагдаагүй (необученный): Ёһо гуримгүй, заабари заршамгүй юумэн гэжэ огто байгаагүй юм. Хүн зоной хоорондоо харилсаха, хѳѳрэлдэхэ, ярилдахашье ёһо ехэл удхатай байгаал даа (soyol.ru); журам заршамгүй журам муутай, жаяг журам сахидаггүй (недисциплинированный): Хүмүүжүүлгэ һайтай, ном һуралсалдаа бэрхэ һурагша саашадаашье һайн ажалшан, һайн оюутан боложо ошоно. Эрдэмтэй аад, журам заршамгүй хүн хэндэ хэрэгтэйб? (Х. Юмова).