ЗАРИМ

1. тэмд. н. хэдэн, нэгэ хэды, булта бэшэ (некоторый, частичный): Зарим жаахан горхонуудынь орьёл үндэр хабсагайнууд дээрэhээ хүүюур болон унадаг юм (Б. Мунгонов); Зарим юумэ мэдэнгүй байгаа һаа дээрэ (Э. Зандраев); зарим нэгэн а) хэдэн, нэгэ хэды (некоторый): Зарим нэгэн харанхы хүнүүд худалшан хуурмагшадай, баяд ноёдой гарта үе наһаараа гарахагүйгѳѳр оробо (Х. Намсараев); б) зарим хүнүүд (некоторые люди): Бороогой ороод лэ байбал, агрономой хэрэгынь үгы бэшэ аал даа гэжэ зарим нэгэн хѳѳрэлдэгшэ (Ц.-Д. Хамаев); зарим тэды хэдэн, хэдэн тэды (некоторый): Хүншни зарим тэды зоболонгуудые баһа туршаха зэргэтэй юм бэзэ (С. Ангабаев); зарим тээгээ эндэ тэндэ (там-сям): Үльдэргэ гурбан алхам үргэнтэйшье һаа, зарим тээгээ хүлгүй гүнзэгы сээлнүүдтэй, шүдэнэй яншама хүйтэн, шэлдэл сэбэр уһатай горхон юм (С. Цырендоржиев); зарим үедэ хаа-яа, үе-үе, хирэ-хирэ болоод (иногда): Эдэ хоолойнуудаар зарим үедэ һурѳѳтэй хара утаан бадхана. Зарим үедэ оройдоошье утаан гарахагүй юм (Х. Намсараев); зарим ушарта хаа-яа, ходо бэшэ (в некоторых случаях): Тоо бодоходоо гү, али диктант бэшэхэдээ, зарим ушарта алдуу гаргахаш (Ц.-Д. Хамаев); 2. юум. н. хуби, нэгэ юумэнэй хэсэг (часть): Мария Николаевнагай бэлэг асарһан мүнгэнһѳѳ Тобшой хүгшэн заримыень хүршэнэртѳѳ хубаалдалсаба (Ч. Цыдендамбаев); заримамнай бидэнhээ нэгэ хэды хүн (некоторые из нас): Бидэнэр сошоһондоо булта һуга харайн бодожо, заримамнай зэр зэбсэгээшье шүүрээ һэн (Б. Санжин, Б. Дандарон).