ЗАНАХА

үйлэ ү. айлгаха, һүрдүүлхэ, аюул тохёолдуулха (грозить, угрожать, стращать): Хүбүүнэй гомдолые түрүүлэгшэ дэмжээгүй, ногоо гэмтээһэнэйнь түлѳѳ таһа хараагаад, дахин тиигэжэ ябахагүйень занаһан юм (М. Осодоев); занаха захиха (гү, али загнаха, һүрдүүлхэ) айлгаха, жэгшээхэ (грозить, запугивать): Тодорhон бэшэ шолмонуудаа / Толгойлжо бодобо. / Тангариг шахаа хэлэжэ, / Занан захин хаахирба (Гэсэрhээ); хургаараа занаха долёобор хургаа ёдолзуулан айлгаха (грозить пальцем): Тиигээд «эндээ бай» гэһэн удхатайгаар хүбүүе байрадань зогсоон байлгажа, «хажуу тээшээ бү арил» гэжэ хургаараа занаад, саашаа ошоходоо, басагаяа шархаатар гарһаань хүтэлжэ бусана (Ч. Цыдендамбаев); нюдаргаараа занаха нюдаргаа hэжэрэн hүрдѳѳхэ (грозить кулаком): – Үгы бол, намһаа һайтай юумэ үзэхэгүйт! – гэжэ Байвал хүбүүдэй хойноһоо нюдаргаараа занан хашхарба (Д.-Д. Дугаров).