ЗАЛАРХА I

үйлэ ү. 1) сэхэ болохо, тэгшэдэхэ, тэниихэ (выпрямляться, разгибаться): Захын амаар / заларан гаража, / Замай холы / зорин гулгаа (Д. Улзытуев); 2) заһарха, һайжарха, зүб болохо, тэгшэрхэ (исправляться): – Халуурхашни одоошье бараг болобо. Иигээд лэ ямаршьегүй залархаш (М. Осодоев); һанаа заларха һанаагаа амарха, тайдхарха (успокаиваться): Теэд дары һанааниинь заларжа, ангуудайнгаа арһануудые шадамар гараар заһажа, хангадажа ородог байба (Д.-Д. Дугаров); 3) дүүрэхэ, түгэсэхэ, дууһаха (кончаться).