ЗАЛАХА I

үйлэ ү. 1) сэхэ болгоохо (выпрямлять): Тииһээршье Дамбуу нэгэ томо бухал тогтоожо, тэрэнээ залаха гэжэ оробо (С. Ангабаев); 2) заһаха, зүб тээшэнь болгоохо, эрилхэ (исправлять): Зэмэ зонхо хэhэн хадаа / Зэмэеэ ѳѳрѳѳ залаг, / Yлгэндэ ѳѳрѳѳ орожо, /Бэеэрээ гэмээ сагаалаг! (Гэсэрһээ); хюрѳѳ залаха хюрѳѳ эрилхэ (править пилу); толгой (гү, али тархяа) залаха мангар тарааха (опохмеляться): Yглѳѳнһѳѳ тархяа нүгѳѳ тээшэнь залаад ябажа ябана; 3) шэглүүлхэ, зүглүүлхэ, хандуулха, харуулха (направлять в какую-л. сторону): Эндэшье шүдэеэ зуугаад бодохо хоорондоо бүһэдѳѳ һуйбадаһан мүнгэн хутагаяа һуга татажа, үзүүрыень Ган-Буладай сээжэ руу залаба (Ц.-Д. Хамаев); морёо залаха морёо шэглүүлхэ, али нэгэ тээшэ ябахые баадхаха (направлять коня): Оюун гэнтэ эридээр мориёо залажа, аяар хойшоо далан тохой һубарюулһан Уляабарай шугы сооһоо гараһан Жэбхээһэнэй адаг уруу гүйлгэшэбэ (А. Жамбалдоржиев); нюдѳѳ залаха хараха, харасаяа хандуулха (направлять взгляд): Головин болон бусад гайхангяар Булавин тээшэ нюдэеэ залабад (Б. Санжин, Б. Дандарон); модо залаха уһаар модо урадхуулха (сплавлять лес по реке); 4) хууш. монг. үһэ залаха үһээ абаха, тархяа хюһаха – үндэр тушаалта нюур тухай (брить голову – о высокопоставленном лице).