ЗАЙЛУУЛХА II

үйлэ ү., идх. залог холодуулха, хулжаха, гаргаха (устранять, отстранять, удалять): Шофёрыньшье машинаяа зайлуулжа үрдихэгүйл байгаа ха (З. Гомбожабай); бэеэ зайлуулха хулжаха, холодохо, ѳѳрыгѳѳ холодуулха, харюусалгаһаа гү, али ажалһаа хулжаха, зайсаха (самоустраняться, уклоняться): Би иимэ зан заншалһаа бэеэ зайлуулха ёһотойб (С. Ангабаев); уһа зайлуулдаг уһа ондоо тээшэнь урадхуулдаг (водоотводный – о канале, канаве): уһа зайлуулдаг һубаг татаха; ай зайлуул!; бурхан зайлуул! заяан зайлуул! абара! абарыш! (батюшки! избави, боже!): – Ай, зайлуул даа, амиды ябахада, иимэ хэсүү юумэ дайралдадаг юм хаям (Х. Намсараев); – Бурхан зайлуул, иихэдээ юугээ харана гээшэбиб! (М. Осодоев); – Бурхан заяан зайлуул, юу хэлэжэ байна аабши?! Намһаа бэшэ хүн шинии досоохиие мэдэхэгүй даа (Б. Мунгонов).