ЗАХИЛ

юум. н. 1) юумэ бүтээхын тулада хэгдэһэн даалгабари (заказ): Дондог дархан баяншье, үгытэйшье хүнүүдтэ тэдэнэй алта мүнгѳѳр, зѳѳреэр захилынь бүтээдэг һэн (Д. Эрдынеев); гүрэнэй захил бюджедэй мүнгѳѳр улас түрын компанинуудэй бэелүүлһэн эд бараа, ажал, түлѳѳһэтэ хангамжануудай хэрэгсээ хангаһан худалдан абалга (государственный заказ): Гүрэнэй захилай талаар улас түрын агентство; 2) урид мүнгѳѳ түлэжэ, хэдэн хугасаагаар журнал сэдхүүл г.м. юумэ абахын түлѳѳ хэгдэдэг захяа (подписка): – Би почтоһоо хахад һара соо суглараад хэбтэһэн энэ бригадын зоной захил: газетэ, журнал, номуудые абаад ябаһан хүн гээшэб (Ц.-Ж. Жимбиев).