ЗАГАҺАНАЙ

тэмд. н. 1) загаһанда хабаатай, загаһаар хэһэн (рыбий): – Загаһанай түрьһэеэ хаяхаһаа урид иигэжэ хюдажа байгаа һаамнай, хожом хойно юун үлэхэб даа, – гэжэ гүбэрбэ (Д. Доржиева); Зүблэлтэ сагай үедэ гарагай табан (четверг) «загаһанай үдэр» гэжэ нэрлэгдээд, мяхан хоолой орондо загаһаар хэһэн бууза, котлет мэтын хоол дурадхагдадаг байһан; загаһанай тоһон загаһанһаа абтаһан тоһон, «Д» витаминаар баян (рыбий жир); загаһанай нюрган а) тархи, ханшар, гэдэһэнһээ һалгагдаһан загаһанай бэе, хоолдо ородог (рыбья спинка); б) угалзын нэрэ (название орнамента); загаһанай шүлэн загаһаар буйлуулһан хоол (уха): – Табин жэлдэ газар гэшхэжэ ябааш һaa, мүнѳѳ хүрэтэрѳѳ иимэ загаһанай шүлэ эдижэ үзѳѳгүйб, – гэжэ Георгий Николаевич хирбээ һахалаа эмирсэгээн, үнэн зүрхэнһѳѳ хэлэбэ (Б. Мунгонов); ◊ загаһанай бороо загаһанай һайнаар баригдадаг һалхигүй байдал соо ороһон дулаахан жэжэхэн бороо (рыбный дождь, тёплый и мелкий при полном штиле, когда рыба хорошо ловится); 2) загаһа болбосоруулха, үйлэдбэрилхэ (рыбный): Аймаг соо … Укыр гэжэ һууринда загаһанай завод оршодог (Ж. Тумунов); 3) үсѳѳн загаһашанда хабаатай (рыбачий): Загаһанай сеткэ дэлгээгээд хатаажа байхадань, һүни галууд буухадаа, булта хүрмэлдэшѳѳ (Ч. Цыдендамбаев).