ЗАДАРХА

үйлэ ү. 1) нээгдэхэ, тайлдаха, онгойхо, һалбарха (раскрываться, развязываться, распускаться): Хаанаһаашьеб һэбшээн буужа, ойн захаархи хуһадай һаяхан задарһан набшаһад гүлмэр шэнгэн абяагаар һабиналдана (Д.-Д. Дугаров); Уданшьегүй хибэс хүшэгэ дундуураа хахаран задаржа, хоёр тээшээ һолжорон, һаруул гэрэлээр дүүрэн сценэ нээгдэшэбэ (С. Цырендоржиев); 2) һандарха, эбдэрхэ, муудаха (расстраиваться, разрушаться): Анхан хада малай байһан аад, мүнѳѳ болоходо хэрэгээ болижо, задаржа эхилһэн газаахи хорёо, буусань энэ гэрые бүрил дарамта, зүдэрүү түхэлтэй болгодог (К. Цыденов); Баглагар хара үүлэд задаржа, зүүн урдахи зүг руу шэглэн һолжорно (М. Осодоев); бэе задарха үбшэндэ нэрбэгдэжэ гү, али хүндэ ажалһаа бэеын муудаха, һуларха (расстраиваться – о здоровье): Бэень задаржа, сохо манлай дээгүүрнь, хамарайнь үзүүр дээгүүр боржогор жэжэхэнүүд һубһад мэтэ хүлһэн бии болоно (Ц. Шагжин); наранай задарха наранай толиин бүдэхи, улабар байха, хүбѳѳгэйнь тодо бэшэ байха (быть расплывчатым – о солнце): – Галдаа, наран задараад байна, – үбгэжѳѳл һарьмай бээлэйгээрээ тэнгэриин хаяагаархи түглэгэр үүлэ заана (Ж. Тумунов).